Ioannes

Honorabilis Domine in Christo nobis dilecte.

Egemus opera vestra in cuiusdam instr[u]menti confectione, quod non nisi sic fieri potest, proinde a vobis postulamus atque pro nostra in vos benevolentia oramus, ut cum eiusm[odi] rerum protocollo, ut vocant, pro feria quinta futura III mens[is] Augusti instantis versus noctem huc ad nos veniatis. Quoque hoc commodius perficere possitis, iniunximus capitaneo nostro Braunsbergensi, ut in tecto suo curru et equis vos huc devehi faciat omnemque vobis ad hoc iter commoditatem impartiat. In eo nobis plurimum gratum facturi quodque singulari nostro favore vobis rependere semper curabimus.

Bene valete.

Datae ex arce nostra Heilsberg, 28 Iulii MDXLIII.