Unsern freuntlichen grus und alles guten zuvoran. / Ersame, nhamhafftige hern, / gunstige freunde. /

Wir haben gestrigs thags spath Ewer Erbarkeit schreyben / dy zceyse belangend / empfangenn, / darauss Ewer Erbarkeit meynung wol eingenhomen. / Dyweyl aber konigliche majestet, unser allergnedigster her, yren vorigen wyllen / gewandelt / und geboten das geldt der zceisen zcu Maryenburg abtzulegennn, / musse wirs so lassen geschen und volgenn. / So aber dy hern landt und stett uber der ersten koniglicher majestet vorwyllung eintrechtiglich wolten halthen / und dass einbrengen solchs geldes mit koniglicher majestet zulass byss uff negste thagfhart vorschiben, / wolde wir uns darnach wyssen zu richten, / welchs wir der mass in der kurtze, / so hy von sych nicht vyl wyl lassen schreyben, / Ewer Erbarkeit, dy wir Goth in sein gnad befelhen, / freuntlicher weis uff der selbten gutmeynig schreybennn / nicht haben woldt bergenn. /

Datum Heylsberg, XXX Decemberr MDXXXIX(!).

Ioannes, von Gots gnadennn byschoff zu Ermelandt.