AAWO, AB, D.97, f. 9v

Dem Erwirdigen in Got, unserm besondern liebenn freundt und nachparnn, / herren Johannsen bischoffen zw Ermelandt /

AAWO, AB, D.97, f. 9r

Unnser freuntlich dinst zuvor. /

Erwirdiger in Gott, / besonder lieber freundt / und nachpar. /

Nachdem E(uer) L(ieb) uns zu freuntlichem gefallen / unserm diener Barteldt Trommetter auff sein ansuchen / eynen klepper, / domit er sovil ms. destbasz reg. desto besser⌈destbaszms. destbasz reg. desto besser⌉ vortkommen möchte, / gutwillig geliehen, / thun wir unns gegen E(uer) L(ieb) wegen der freuntlichen nachparlichen ertzeygung aufs hochste unnd freuntlichste bedancken, / schigken denselben klepper / E(uer) L(ieb) hiemit zw, / haben in aber auf das er widerumb ausruehen möcht / eyn zeyth lang undterhalten, / mit freuntlichem bitten, E(uer) L(ieb) uns solche zu gueth haltenn wolle. /

Wo wir E(uer) L(ieb) hinwidderumb in gleichen oder mherern dienen unnd freuntliche nachparschafft ertzeigenn konnen, / sol an unnss nichts erwinden / und sein derselbenn alles gutes so vil unns immer moglich zuertzaigen gewögen. /

Dat(um) Konnigspergk, denn XVII Aprilis anno etc. im XLIIII-t(en).

Von Gots gnaden Albrecht marggraf zu Brandenburgk, in Preussen, zu Stettin, Pom(m)ern, der Cassuben und Wenden hertzog, burggraff zw Nurmbergk und furst zw Rugen /