List #764
Achatius TRENCK do Ioannes DANTISCUSAllenstein (Olsztyn), 1537-03-14
| odebrano [1537]-03-15 Rękopiśmienne podstawy źródłowe:
Pomocnicze podstawy źródłowe:
| ||||||
Tekst + aparat krytyczny + komentarzZwykły tekstTekst + komentarzTekst + aparat krytyczny
Reverendissimo in Christo Patri et Domino, domino Ioanni Dei gratia episcopo Culmensi et administratori [episcop]atus Pomesaniensis etc., [domino] suo gratioso ac clementissimo
Reverendissime in Christo Pater et Domine, domine gratiose ac clementissime.
Post humillimam servitiorum meorum exhibitionem.
De prospero Reverendissimae Paternitatis Vestrae ex conventu Cracoviensi reditu ac bona valetudine Reverendissimae Paternitati Vestrae ex animo gratulor.
Ceterum praesentes litteras, quas venerabiles domini Tidemannus Gise custos et Felix Reich, canonici Warmienses, ac capituli Warmiensis ad Reverendissimam Paternitatem Vestram nuntii deputati mihi miserant Reverendissimae Paternitati Vestrae transmittendas, per hunc servitorem meum Reverendissimae Paternitati Vestrae cum humillima commendatione mitto.
Cuius me gratiae quam humillime ac totum commendo. Quamque Deus Omnipotens diu felicem ac incolumem conservare dignetur.
Datae Allenstein, die 14 Martii anno 1537.
Eiusdem Reverendissimae Paternitatis Vestrae deditissimus servitor Achatius de Trencka