Unsern freuntlichnn grues mit alles guttn entpittung zuvornn. / Ersame, nhamhafftige hern, bsundre, gutte freunde. /

Wir habn Euer Erbarkeit schre... betreffende die geistliche iurisdicion des dorffes Reichenbach, das koniglicher majestet stad Elbing / und do selbst, / ... wirs recht gedencken, / dem hospital gegeben und ...geleibt, / welchs dorffskirche sich der von Marienwerder un... stet zu administrirenn, / do bey ouch furstliche durchlaucht aus ein[ge]legter copey meynung, / disse stunde erhalten u[nd] vorstandenn, / daruff wir Ewer Erbarkeit vor ein antwurt ...gen freuntlicher weis zu wissen, / das wir disse s..., wie sie in ir selbst / koniglicher majestet, unsers allergnedigsten hern, schrifft..., im korczen wollen entdecken und vorbringen / u... vonn ir majestet bitten bericht, / wie wir uns der weg[en] gen furstlicher durchlaucht sollen halten. / . Was uns hirinnen widerummb w... zukomenn, / wolle wir Ewer Erbarkeit, / die wir Gote de[m] almechtigen thun befhelen, / mit den erstnn nicht bergenn, der zuvorsicht, das sich mitlerz... furstliche durchlaucht solchs vornemens, / wie die copey mitbring[t], koniglicher majestet, unsers allergnedigsten hern, zu hohen ehren werd enthald[enn].

Datum aus unserm slosse Lobau, den XXII Mai M D XXX[VI].