Sigismundus Dei gratia rex Poloniae, magnus deux Lithuaniae, Russiae, Prussiae, Masoviae etc. dominus et heres

Reverendis in Christo Patribus et Dominis Ioanni episcopo Varmiensi ac Tidemanno Gize episcopo Culmensi, ac Generoso Stanislao Kostka de Stamberg, sincere et fidelibus dilectis

Gratiam nostram regiam, venerendi in Christo Patres ac Generosi, sincere et fideles dilecti.

Cum quorundam suspicione sit ad nos perlatum in arca Alexandri Sculteti quondam canonici Varmiensis esse litteras, in quibus contineantur fortasse nonnulla, quae nos scire nostra plurimum intersit, hortamur Paternitates et Sinceritatem Vestras, ut unum aliquem in locum convenientes, arcam aperiant ac inspectis litteris, quae in ea sunt, si quid repererint, quod ad nos pertineat, faciant nos de eo certiores facturae pro fide atque offico suo et gratia nostra.

Datae Vilnae, die XVIII mensis Decembris anno Domini MDXXXX, regni nostri anno XXXIIII-o.

Ad mandatum sacrae maiestatis regiae proprium