Dem durchlauchten, hochgebornen fursten und hern, hern Albrechten, von Gots gnaden marggraff zu Brandenburgk, / in Preussen, zu Stetin, Pomern, der Cassuben und Wenden hertzog, burggraff zu N[urm]b[er]gk und furst zu Rugen, / unserm hochgunstigen, lyben hern und freunde

Durchlauchter, hochgeborner furst, hochgunstigerr, lyber herr und freundt. / Unser freuntliche, wÿllige dinst zuvoran. /

Der erbar Andres Dancke, / pringer dÿtz brives, hat uns angefhallen und gantz vleÿssig gebethenn / umb ein vorschrÿff von wegenn eynnes guts genant Mychelaw, im schonbergÿschen gebythe gelegen, an Ewer Furstliche Durchlaucht zu thun, / dÿ wir ihm hymit gegebennn, / und bÿtten Ewer Furstliche Durchlaucht noch ufflegung der beweÿss, / so er uber solch genant gutt hatt, / im in allem, was er gut fueg und recht hatt, genediglich und behulfflichen erscheÿnnenn, / ihn in seynnerr gerechtikeÿtt schutzen und hanthaben. / Das sein wir umb Ewer Furstliche Durchlaucht, dÿ wir Got in guterr, langer gesuntheÿtt thun befelhen, freuntlicher weÿs zuvordynen geneygt. /

Datumm auss unserm sloss Lobaw, den XI Ianuarii M D XXXVIIIten.

Ioannes, von Gots gnaden colmischer bÿschoff, administrator zu Pomesan und postulirt zu Ermelant