Dem hochwirdigenn in Gott [Fursten unde Herren], herrn Johanni von Gottis [genaden des lob]lichen stichts [zum] Erm[elant bisschove] [etc.] [unszerm] [genedigen herrenn]

Hochwirdiger inn Gott Furst, Genediger Herr.

Unnsere stette unnd bereitwilige dienste seint Ewer Hochwirdigsten Gnaden stets zcuvorahnn entpholenn. /

Genediger Herr. /

Wir habenn ... dato dieser koniglicher maiestat unsers allergennedigsten herrn brieff ann Ewer Hochwirdigste Gnade lautende erst am XXIX Ianuarii / hier uns behendet entphangenn / unnd dweyle wir denselbigen koniglichen brieff / was dyrwegenn auff Ewer Hochwirdigste Gnaden vorbitt in bewuster sachen unser geliptenn herrnn burgermeistere hochgedochte konigliche maiestat inn anthwurt gebenn unnd zcuschreiben wurde unns denselbigen brieff durch genedigenn Ewer Hochwirdigste Gnade zculos unnd willen zcu erbrechen unnd zcu lessen / vorgunstiget, / des wir dinstlichen fleisses danckbar thun wir denselbigenn brieff dermossenn vonn unns geoffent unnd hier eingeleibt Ewer Hochwirdigste Gnade zcu schickenn. /

Ewer Hochwirdigste Gnade unsers besten fleisses unnd vormugens widderummb wilfehrigk zcu dienen wir inn allewege unvordrossenn wollen besundenn werdenn. / Mit hulffe des almechtigenn / der Ewer Hochwirdigste Gnade lange gesunt unnd seliglich enthaltenn unnd fristenn welle. /

Geben Danntzigk, ultima Ianuarii anno etc. 44.

Ewer Hochwirdigsten Gnaden dienstwillige burgermeistere und rathmanne der stadt Danntzigk