Unsernn etc. Grosmechtiger etc.

Es ist heutiges tags unser bot von koniglicher majestet hove an uns gelangt , / der uns disse beygebundenen brive mit gebrocht. / Bitten der wegenn, wolde verschaffen / an den hern schaczmeisterr, / die ann in gehorenn etc. Konigliche majestet wil die tagfart / aus gewonlicher zceit nicht vorczogen habnn, / ist aber zu fried, das sie zu Thorn sold gehalten werden, / des wir durch ir majestet uffentliche mandat / kein befhelich habnnn. / Wir werden in II oder III tagen aus wichtigen ursachen wider ann ir majestet schreibnn. / Wollen der gewissen stelle der kunfftigen tagfart erkunden und Ewer Herlichkeit mit den ersten lossnn wissnn. / Was Ewer Herlichkeit man belangt, / der zu Colmeshe gesessen, / dar uff wir negst vorgessenn zu antwurtnn, / wolle wir Ewer Herlichkeit guttnn bericht, / so uns Got zusamne hilfft thun, / dem wir Ewer Herlichkeit mit der frawenn woywodin und al den iren in langweriger gesuntheit befhelenn.

Datum aus unsermm slosse Lobau, den VII Aprilis M D XXXVII.