BCz, 245, p. 249 (t.p.)

Hansen von Werd(en).

Unsern(n) etc.

Es hot uns unser ohm(m) Simon(n) von eim ersam rodt hundert guld(en) zu 30 g(roszen) geantwurt . / So weis E(wer) H(erlichkei)t wol, / das es negst zu Marie(n)burg bered und entslossen(n), / ouch die ersamen(n) von Thorn(n) E(wer) H(erlichkei)t betn(n) gebetn(n), das sie mit hundert m(a)rck(en) vorlegt wurd(en) und das ein ersam roth noch alter gewonheit zcwie so vil solde schick(en). / Von den ersamen vom Elbinge hab wir hundert marc(... illegible⌈...... illegible⌉) entfang(en). / Der hochwirdig her von Colmese hot uns ouch fumffczig guld(en) lossen(n) bring(en), / die wir zu unsern hundertn(n) gethon. / So ist noch rest. / Ins erst die X guld(en), die der g(rosmechtig)e her pomerelscher woywod / den von Thorn(n) zugeczalt / und ire hundert m(a)rc(ken), die E(wer) H(erlichkei)t mit zu senden(n) uff sich genomen(n) / und ein ersam roth noch fumffczig mar(ken)(?) beyzuleg(en), / wie verlossen, / pflichtig, / derweg(en) wir den briff an den(n) h(e)rn underkanczler neben(n) unserm(m) schreibn(n) / widerum(m)b zugefertiget. / E(wer) H(erlichkei)t wolde fleis haben(n), / das zcwischn(n) negstekomfftig(en) freitage (: so lange wolle wir unsern(n) botn(n) uffhalten :) / Die II-C mar(cen)(?) und X guld(en) des h(e)rn pomerelschen(n) woywod(en), / die noch aussthen, / uns zu hend(en) werde gesend, / domit die vorehrung dester(r) statlicher(r) wurd / und E(wer) H(erlichkei)t durch unser(re) com(m)e(n)dacion(n) / hirinne bey dem h(e)rn underkanczler(r) vil gunsts erhalde. / Die E(wer) H(erlichkei)t zu allen geczeitn(n) zu nucz mag komen(n) etc. Hiemit gotlichn(n) gnod(en) befoln(n).

Dat(um) a(us) u(nserm) s(loss) Braunsberg, den XXIX Maii M D XLI.