List #2794
Sigismund II Augustus Jagiellon do Ioannes DANTISCUSVilnius, 1545-02-12
odebrano Heilsberg (Lidzbark Warmiński), 1545-04-30 Rękopiśmienne podstawy źródłowe:
|
Tekst + aparat krytyczny + komentarzZwykły tekstTekst + komentarzTekst + aparat krytyczny
Reverendo in Christo Patri, Domino Ioanni episcopo Varmiensi sincere nobis dilecto
Sigismundus Augustus Dei gratia rex Poloniae, magnus dux Lithvaniae, Russiae, Prussiae, Masouiae etc. dominus et heres
Reverende in Christo Pater sincere nobis dilecte.
Attulit nobis iste subditus Paternitatis Vestrae litteras, quae nobis fuere pergratae, nam solitam eius erga nos fidem, studium et obsevantiam prae se ferebant. Quoniam autem responsivae sunt, non est, quod repetere debeamus. Illud tantummodo Paternitas Vestra de nobis sibi certo persuadeat, quod superioribus litteris citra omnem arrogantiam perscripsimus.
Subditus istae Paternitatis Vestrae, quem nobis commendaverat, expeditus est hic, ut ius et aequitas suadebat. Id, quod ex eo plenius cognoscet et bene valeat.
Vilnae, die XII mensis Februarii Anno Domini M-o D-o XLV-o
Ad mandatum serenissimae maiestatis regiae proprium