Reverendo in Christo Patri, domino Ioanni episcopo Varmiensi sincere nobis dilecto

Bona Dei gratia regina Poloniae, suprema dux Lithuaniae, Russiae, Prussiae, Mazoviae etc. domina

Reverende in Christo Pater sincere nobis dilecte.

Generosus Martinus Volski aulicus noster scripsit nobis se habiturum certa sua negotia in conventione in ducatu Prussiae proxime celebranda supplicavitque, ut ipsius negotia tamquam servitoris nostri Strenuitati Tuae commendaremus. Qua de re hortamur Strenuitatem Tuam, ut eidem nostro aulico in rebus licitis aequitati iurique istius ducatus consonis in eadem conventione pro debito sui senatus sit patrocinio. Factura Strenuitas Tua rem aequitati consentaneam nobisque gratam.

Datae Piotrcoviae, XXII die Augusti anno Domini MDXLVII-o.

Ex commissione sacrae maiestatis reginalis propria