AAWO, AB, D.97, f. 63v

Erwirdig(e)n in Got unserm he paper damaged⌈[he]he paper damaged⌉rn, lieben freunde J paper damaged⌈[J]J paper damaged⌉ohanssen / bisschoff zu paper damaged⌈[ff zu]ff zu paper damaged⌉ Colmensee / etc.

Zu aigen hand(en)

AAWO, AB, D.97, f. 62r

Erwyrdiger in Gott, wesunderer gutter herre und freundt. /

E(uer) L(ieb) schreybenn, welchs dat(um) stet Heylsberg 21 Februarii, ist mir durch Balthazaren Rabensteyner zwgeschickt, / welches ich warlich mit grossen freuden entpfangen, dan ich nit wyssen kunt, ob E(uer) L(ieb) lebendig ader thothe weren. / Und hab gern vernomen, das euch mein schreyben auch zukomen ist und kan nit anderst vermercken, dan dass E(uer) L(ieb) gantz trewherzether wolmanung mit mir manen und thue mich sunderlich gegen E(uer) L(ieb) freuntlich zwbedancken, / des freuntlichen mitleydens so E(uer) L(ieb) mit mir in meinen anligen gehabpt. Und sos E(uer) L(ieb) wusten mich mit rathe und hilff nicht zuverlasse(n), des mir pillich anstet zuvordinen, wy ich dan egotbol(!) auch mit allem vleys thun wyll. /

AAWO, AB, D.97, f. 62v

Und wyl E(uer) L(ieb) darauff in grosser geham or gehrnn⌈gehamgeham or gehrnn⌉ nicht verhalten, das man so seltzam mit mir umbgangen und des passions spilen wollen, / dan dy peyde stifft Magdeburgk unnd Halberstat, da ich coadiutor, hat man wollen verkauffen und in weltliche hendt kommen lassen und mich darauss vergagen und vertreyben wollen. / Das ist mein lone von meyner treuen dinst wyllen. / Kein glab ist mer auf der welt. / Ich het mich eher himellfals versehen, dan eines selchen zw meinem hern. / Und ist hertzog Moritz und sein bruder, dy sich alsot hardt wyder mich umb dy stifft zubekom(en) anneme(n), so gehet mirs sunst auch das wol pesser docht, ubique persecutus sum. Und stetz in schwerer krancket hab sorg, / krancketen und melancholey werd(en) mich under dy erden pring(en).

AAWO, AB, D.97, f. 63r

Ich het mich gern umb der Rabenstaner erkundiget, wys eingelegen hat umb E(uer) L(ieb) het so ist er nit zw mir kumen, / hoff aber, er werdt einmal zw mir komen, / da ich mich dan als vonn im erkundigen wyl. /

So wyl ich E(uer) L(ieb) auch nich verhalten, das der graff dy greffin von Roschefordt mit thodt abgangen, Gott sey den selen gnedig unnd barmhertzig. /

Consil written over s⌈sll written over s⌉ium und reychstag sten noch in suspenso, was key(serliche) ma(iestet) gutz ausrichten und erhalten wyrdt gybpt dy zeyt. So ich was in erfarung kun sols E(uer) L(ieb) mitgetheylt werden. Hymit wyl ich mich E(uer) L(ieb) gantz freuntlichen pefollen haben.

Dat(um) Hall, mitbochs nach Corporis Christi 1545.

Johan Albrecht marggraff zw Brandenburgk etc.