GStA PK, HBA, C1 No 1091, 3 unnumbered

Dem durchlauchten hochgebornen furstenn unnd herrn, herren Albrechten, von Gots gnaden marggraffen zu Brandenburg, in Preussenn, zu Stettin, Pomern, der Cassuben unnd Wenden hertzog, burggraven zu Nurmberg unnd fursten zu Rugen, / unnserm grosgunstigen und gnedign herrnn

GStA PK, HBA, C1 No 1091, 1 unnumbered

Durchlauchter hochgeborner furst, / großgunstiger unnd genediger herre. /

Unsere freuntliche unnd willige diennst / seindt E(wer) F(urstlichen) D(urchlauch)t alletzeit zuvoran.

Was E(wer) F(urstliche) D(urchlauch)t an unns semptlich unnd sunderlich durch ihre schrrybenn haben gelangen lassen / ist in unnseren dreier zusamen kommen / alhie zum Ditrichwalde / genugsam von unns eingenomen, / das solchs unnsers erachtens unnöttig sey zuwidderholenn / worauf wir auch neben den anndern stenden so alhie neben uns gewesen fleissigs bedencken unnd beredung / wie den das des handels unnd dieser zeit gelegenheit erfurdert / gehalten. /

Unns auch eintrechtiglich entschlossenn / den sachen / mit beschreybung ko(nigliche)r ma(ieste)t unnsers allergnedigsten herrn / wie eß von E(wer) F(urstlichen) D(urchlauch)t vor beste wirdt angesehen / unnd in dersulben schreyben vonn unns begeret wirdt aufs schirste nachtzusetzenn / unnd unns in dem wölferiges unnd dinstlichs gefallens kegen E(wer) F(urstliche) D(urchlauch)t zuertzeigen / des vorhoffens / eß werde in der Chron dieser handel auch gleicher gestalt bewogenn / unnd unnserm schreyben unnd GStA PK, HBA, C1 No 1091, 2 unnumbered underthenigem rath unnd bedennckhen nachgekomen / unnd der angenomen werdenn. /

Das wir E(wer) F(urstliche) D(urchlauch)t zum freuntlichem unnd dinstlichem andtwurth / nicht wolten vorhaltenn. /

Die wir dem allmechtigen Goth mit langweriger gesundtheit unnd gelucklichem regiment / unns aber in E(wer) F(urstlichen) D(urchlauch)t gunst beffelhenn. /

Datum Dittrichswalde, den XII Iulii MDXLVII-n.

E(wer) F(urstlichen) D(urchlauch)t wilferige Ioannes von Gots gnaden bischoff zu Ermelandth, Tidemannus von Gots gnaden bischoff zu Colmensehe, Achatius Czeme marienburgisher woywode etc.