Dem Erwirdigenn inn Got, / unnserm besonndernn liebenn freundt / unnd nachtbarnn, / herrnn Johannsenn / bischoven zw Ermelanndt

Unnser freuntlich dienst zuvorn. /

Erwirdiger inn Got, / besonnder lieber freundt unnd nachbar.

Nachdem unns Euer Lieb unnd die andern herrn stende koniglichs teils Preussenn, / die erbermblichenn niderlage dess churfurstenn zw Sachssen, / danebenn wess Euer Lieb unnd der anndern herrn stennde bedenckenn gewesenn, / zuerkennen gegebenn, / habenn wir damals unnser anntwort darauf stellenn unnd vorfertigenn lassenn. Seintemal aber solche anntwort, / nach ausgang der tagfart / zw Marienburgk, / dem erwirdigenn inn Got / unnserm besondern liebenn freundt unnd nachbarn herren Tidemann bischoffenn zw Colmensehe zu hannd[en] kommen, / habenn seine lieb dieselb nicht annemenn wollenn, sonnder solche zuruck g[eschi]ckt / etc.

Demnach thun wir dieselbenn Euer Lieb zusenndenn, / die habenn Euer Lieb zubrechenn ... [u]nd zusehenn, / wess unnser anntwort gewesenn, / damit sie es furder denn annde[ren] herrn stenndenn annzuzeigenn. / Das woltenn wir Euer Lieb freuntlichenn [sa]gen / unnd bevelhenn hiemit Euer Lieb der gnadenn des aller hochstenn. /

Datum [Kon]igspergk, denn XI Iunii anno etc. im XLVII-sten.

Vonn Gotts gnadenn Albrecht marggraf zw Brannd[enbu]rgk, / inn Preussenn, zw Stetin, Pommern, / der Cassubenn [unnd] Wenndenn hertzog, burggraf zw Nurmberg unnd [furst] zu Ru[gen]