Dem durchlauchten, hochgebornen fursten und herren, [hern] Albrechten, von Gots gnadenn marggraff zu Brandenburg, in Preussen, zu Stettin, Pommern, / der Cassuben und Wenden hertzog, marggraff zu Normberg und furst zu Rugen, / unserm hochgunstigen, lieben hern unnd freunde

Durchlauchter, hochgeborner furst, hochgunstiger, lieber her und freundt. / Unsere freuntliche und vleiswillige dinste zuvoran. /

Euer Furstlichen Durchlaucht vorbitlich schreiben vor ein etlichen Lautenschlager / hab wir erhalten, / in dem von uns im gleit zugeben gefordert / etc. Dieweil wir aber in der sachen, / dorinnen er sich ein vormundt und procurator gemacht, / und etwan weit uber die bunde gegriffen, / mit im nichts zuthun wissen, / dorzu unser underthan unser stadt Braunsberg gehorig, / bedarff er nicht solchs gleits, / er wolde es dan zu rechte haben, / das wir im uff Euer Furstlichen Durchlaucht beger, der wir gerne wolgefallen thun, / erbottig. / Worinne wir auch in vil grossern Euer Furstlichen Durchlaucht wilferig mugen sein, / sein wir allezeitt geflissen. /

Datum aus unserm hoffe Schmolein, den XXIIII Ianuarii M D XLIten

Ioannes, von Gots gnaden bischoff zu Ermelandt /