Capitulo Varmiensi Ioannes etc.

Venerabiles etc.

Miserat superioribus diebus nobis venerabilis dominus Eustachius frater sincere nobis dilectus cartam quandam debitorum olim parochi in Lichtenow et, ut illa loco testamenti dicti parochi confirmaretur, a nobis rogavit. Nos, qui eam suspectam habuimus, quemadmodum et eam laceratam schedulam, quam nunc Fraternitates Vestrae ad nos miserunt, suspectam habemus nec priorem, nec subsequentem tamquam testamentum legitime conditum confirmare possumus. Quare hortamur Fraternitates Vestras, ut primo tempore conscriptum inventarium relictorum bonorum dicti parochi ad nos mittant, iuxta quod eam facturi sumus dispositionem, quae votis Fraternitatum Vestrarum respondebit et animae defuncti et officio nostro conveniet.

Quae bene valeant.

Datae ex arce nostra Heilsberg, ultima Iulii XLVIII.