AAWO, AB, D. 3, f. 101v

Reverendissimo in Christo Patri et Domino, domino Ioanni Dantisco episcopo Culmensi, administratori Pomesaniensi etc., domino tamquam orig. tanquam⌈tamquamtamquam orig. tanquam⌉ patri ex animo honorando

In Prussia

AAWO, AB, D. 3, f. 101r

[...] beginning of the letter missing⌈[...][...] beginning of the letter missing⌉Welzeri novam classem cum quingentis viris duce Nicolao Federman miserunt in Indiam, nam Ambrosius Delfiner inventis aurifodinis, cum orig. quum⌈cumcum orig. quum⌉ auro onustus rediret ad coloniam, quam in litore orig. littore⌈litorelitore orig. littore⌉ construxerat, insidiis Indorum exceptus, telo guttur traiectus oppetiit. In demortui locum surrogatus Federman superiori mense solvit e Gadibus. Det illi et talibus omnibus Deus prosperos successus. Cortesius noster adhuc vivit, sed nulli ad eum vel ab eo nuntii orig. nuncii⌈nuntiinuntii orig. nuncii⌉. Sibi vivit transigitque inglorius aevum.

Elegiam tuam cum epitaphio legimus hic amici tui, Grudii fratres et ego, magna cum voluptate, venitque nobis in mentem Herculis, qui moriens apud Ovidium res a se praeclare gestas recenset. Nolimus tamen semel tantum eas, sed crebro ut recenseas. Non inviderem regibus vestris Moschouiae imperium, sed, uti ego audio, tarde nimium ad id aspirastis. Diligentia et vigilantia opus est in acquirendis imperiis, industria in conservandis.

Cum orig. Quum⌈CumCum orig. Quum⌉ ad me scribere voles, litteras mitte Viennam, vel, si mavis, in Flandriam. Et commenda me omnibus tuis et meis amicis, nam tuus nemo est, qui meus non sit. Et brevi uberiores orig. huberiores⌈uberioresuberiores orig. huberiores⌉ a me litteras exspecta, et rectissime vale, animo meo insitissime praesul.

Ex Madricio Carpentanorum, die quinto Novembris XV-c XXXIIII-o.

Ex animo is, quem nosti, Cornelius Duplicius Scepperus