Reverendo in Christo Patri, domino Ioanni episcopo Varmiensi, sincere nobis dilecto

Bona Dei gratia regina Poloniae, magna dux Lituaniae, Russiae, Prussiae, Masoviae etc. domina

Reverende in Christo Pater, sincere nobis dilecte.

Cognovimus ex litteris Vestrae Paternitatis et Stanislai Costkae indignum et gravi animadversione dignum facinus Gdanensium adversus regiam maiestatem, dominum eorum, commissum. Cognovimus etiam, quis sit auctor huius temeritatis. Regia maiestas in tanta rei magnitudine nonnihil fortasse est deliberatura et rem hanc ad consiliarios delatura. Reliqua Vestra Paternitas ex litteris regiae maiestatis cognoscet.

Ac salva et felix diu valeat.

Datae in Brzescie, die XI-a Octobris anno Domini MDXLIIII.