Reverendissimo in Christo Patri et Domino, domino Ioanni Dei gratia episcopo Varmiensi etc., domino observatissimo

Reverendissime Domine, domine colendissime.

Officiosissimam servitutis meae commendationem.

Quandoquidem dominus Caspar Hannous ipse proficiscitur ad Reverendissimam Dominationem Vestram, erit viva quaedam epistula, ut a me scribi multa necesse non sit, cum praesertim itineri me nunc accingam. Narrabit is Reverendissimae Dominationi Vestrae, quae tuto litteris committi non possunt. De adolescente etiam, quem mihi commendare dignata est, quid constitutum per me sit, dicet, denique totam historiam funebrem recensebit.

Deum precor, ut Reverendissimam Dominationem Vestram diu servet incolumem et felicem. Cuius me gratiae commendo.

Cracovia, 12 Calendas Septembres 1548.

Eiusdem Reverendissimae Dominationis Vestrae servitor deditissimus Stanislaus Hosius cantor et canonicus Varmiensis