APG 300, 53, 269, p. 126

Denn ersamenn und namhaftigen herren burgermeistern und rathmannen der koniglichen stadt Dantzig, / unsern besundern, gutt(en) freundenn

APG 300, 53, 269, p. 123

Unnsernn freuntlichenn grus unnd alles guts zuvorann. / Ersame, namhaftige herren, besundere, gutte freunde. /

Aus E(uer) E(rbarkei)t schreiben, / dem wir auch gerne zugefallenn, / hab wir derselbtenn vleissig gemütte, / damit die botschafft ane weiteren vortzog wurde voltzogenn, / wol eingenhomenn. / Wie wunderlich aber soviel hindernus sich darzu begebenn, / gibt unns weitleuftig bedenckenn, / furderlich dieweil der gros(mechti)ge her marienburgischer woywode daraus inn andere orth wirt getzogenn, / ane welch(en) beÿ diesser legacion nichts fueglichs kann ausgerichtet werden. / Derwegenn von nötenn will seinn, / uf negster thagfart zu Graudentz weiter inn diesen zufellenn / rath unnd beredung zuhaltenn, / damit dennoch dieser lannde privilegienn unnd freyheitenn gehulffen werde / unnd unvorlassenn bleiben, / wovonn, / wie gemelt, / was die noturfft wirt furderenn, / die herren dieser lande rethe / neben E(uer) E(rbarkei)t geschicktenn / auf s(ankt) Michels angesatztenn thag[1] / handlung werdenn vornhemenn. / Solchs haben wir E(uer) E(rbarkei)t, / die wir gottlichenn gnadenn bevelhenn, / zum freuntlichenn antwurt / nicht wollenn vorhaltenn. /

Dat(um) aus unserm schlosse Heilspergk, denn IIIt(en) Septembris M D XLVI.

Ioannes, vonn Gottes gnadenn bisschoff zcw Ermelanndt

[1 ] September 29