BCz, 403, p. 20

Dem Erwirdigen in Gott unsern besondern, lieben stain⌈[besondern, lieben]besondern, lieben stain⌉ freundt herren Johansen bischoffenn zu stain⌈[zu]zu stain⌉ Colmensehe

BCz, 403, p. 19

Unser freuntlich dinst zuvorn.

Erwirdiger in Got, bsonder lieber freundt.

Es hat uns Mauricus(!) Herder in aller undertheÿnigkeÿt bericht und angezaigt, / wÿe ehr zur loben ethwan etlich zeytt lang vor ein glockner gedint / unnd nhu mher in unser stadt / Teutz Eÿllaw vor eyn schulmeÿster dienet, / damit ehr aber seine hinderstellige langhere emporne schulden von do dest ehr erlangen und bekom(m)en mocht, / hat er uns hochstes vleis umb furschrifften an E(uer) L(ieb) zugeben gebetten, / welche wir ÿme der pilligkeÿt nach abzuschlagen nicht gewust.

Dem paper damaged⌈[Dem]Dem paper damaged⌉nach ist an E(uer) L(ieb) unser freuntlich bitt dieselb wollen dem armen gesellen zw seÿnen schulden furderlichen erscheÿnen / und umb unsertwillen dÿ pilligkeyt widderfaren lassen. / Nichtsweniger sein ligende grunde zu seinem besten vorkeuffen / unnd widderumb doselbst den jhenigen so er schuldig / davon ehr so hart angesprochen und gemanth wurt gutliche betzalung thun moge / vorgonnen, gestatten und zulassenn / Unnd ÿnen dÿsser unser furschrifft bey E(uer) L(ieb) fruchtbarlichen empfinden mage. / Das wollen wir umb E(uer) L(ieb) hinwidderumb freuntlichen vordienen.

Dat(um) Konnigspergk, denn 23 tag des monats Iunii anno etc. im XXXV-t(en).

Von Gots gnaden Albrecht marggraf zu Brandenburgk, in Preussen, zu Stettin, Pom(m)ern, der Cassuben unnd Wenden hertzog, burggraff zw Nurenbergk und furst zw Ru paper damaged⌈[u]u paper damaged⌉gen