Freuntlicher, lieber her burggraf und schwager. /

Mir hat die konigin ihre majestet befolhenn, das ich erfarn solt, / wie lan[g] der hertzog von Iulich seine furstin gehabt hab, die des koni[gs] von Franckreich blutvorwante gewest, / und ob er auch ki[n]der mit ihr gehabt / und wievil der sein. / Wolt vleis vorwenden, / das ich des wissentschaft uberkwem und ihre majestet mocht beantwurten etc. Vor das zugeschickte getrencke uf Braunsberg thu ich Ewer Erbarkeit freuntlich dancken, / die im den vil zu vil thut. / Ich weis nicht, wor mit ichs soll vorgelten etc. Hiemit abers gotlichen gnaden befolhen etc.