Freuntlichen grues / und was ich libs und vil nuczliches wolgefallens vormag zuvoran. Edler, / namhafftiger her, / gunstiger, vortrautter freundt. /
Ewr Herlichkeit ⌊⌋ eigener handt, in des hern ⌊danczker castellan⌋ ⌊⌋ vorslossen, hab ich entfhangen / und befinde, das ir vil mehr danckpar seit, dan euch guts geschen. / Vormochte ich aber was, das zw Ewrem nucz und ehren mocht gedeÿen, / soll an meinem zugeneigten, guetten willen nichts abgeen etc. Was belanngt die schickhung an ⌊konigliche majestet⌋, / hab ich aus ⌊eins ersamen radts⌋ ⌊⌋ zu guetter moss verstannden / und lasse mich noch bedunckhen, / das der ⌊knoche⌋ das ein ist geworffen, / der die bewegung gemacht etc., welhs ich verdackht nicht hab mocht nachlassen in meinem ⌊⌋ an ⌊ein ersamen radt⌋ / etwan anzuzaigen. / Werden solchs, / auch was den eidt an ghet, / von mir, wie ich mich vorsehe, / nicht unguetlich aufnemen. / Was den zueg bedrifft, wirt euch unser gemeiner freundt, der herr ⌊danczker castellan⌋, / wie mich bericht haben, / der tag auf Lucia gefelt mir gar nichts. / Ich halt, wirt mir die podagra machen etc. Auch weiss ich euch noch enntlichs nichts der halben zu schreiben, / biss mein dienner von der willen von ⌊koniglicher majestet⌋ / wider kome. / Der wirt wie umb alles / mit bringen, / das ich dan euch mit dem ersten nicht will bergen. / Vor die newzeittung thu ich mich gen euch bedannckhen. / Bey mir ist der gleichen nichts. / Was wir zusamen geredt belanngendt das feudum etc. wold ich gern, ir mir darinnen Ewrn gruntlichen willen zu schribet, / das ich mich mit meinem schreiben etc. darnach wisse zu richten. / Ir solt euch das zu mir versechen, / werd ich ymmer was guets und fruchtbars dar zu wissen noch meynem vermuegen zu thun, / das ich kein mue oder fleiss darzue will sparn / und alle das jenige darinnen thun, / was ir mir werd vorgeben und befelhen etc.
Sunst waiss ich euch diss mall nicht anders zu schreiben, / dan das ich euch von Gote dem almechtigen vil gluckhselliger und gesuntheren zeit / mit all den Ewrn thu wunschen.
