AAWO, AB, D. 4, f. 14v

Reverendissimo in Christo Patri et Domino, domino Ioanni Dei gratia episcopo Culmensi, domino gratiosissimo atque semper observandissimo

AAWO, AB, D. 4, f. 14r

Reverendissime in Christo Pater et Domine gratiosissime atque semper observandissime.

Post mei et servitiorum meorum humilem in gratiam Vestrae Reverendissimae Paternitatis commendationem.

Is nobilis Ieronimus Myaczinski, subditus sacrae regiae maiestatis de terra Plocensi, habuit quendam fratrem suum ex avunc orig. g⌈cc orig. g⌉ulo germano ipsius procreatum et genitum nobilem Thomam de Przeląk in capitaneatu Dzialdowiensi, qui demum steriliter de hac vita decessit. Quo defuncto, praefatus Ieronimus Myączinski in eius bona hereditaria octo mansorum in praefata Prze... illegible⌈...... illegible⌉lą overwritten⌈ląlą overwritten⌉k tamquam ipsius consanguineus et propinquior successerat et intromissionem in eosdem octo mansos iuridice obninuerat, et praescriptiones terrestres extenuerat. Quos quidem octo mansos tamquam verus eorum heres et possessor postea pro certa pecuniae summa domino capitaneo moderno Dzialdoviensi vendiderat. Qui eosdem mansos emptos ultra octo annos iam elapsos pacifice et quiete tenet et possidet.

Postea, isto tempore, quidam nobilis Krziwkowski de eadem Przelak subditus Vestrae Reverendissimae Paternitatis eundem dominum capitaneum pro eisdem octo mansis inquietat, asserens se esse propinquum ad eosdem mansos et idcirco idem capitaneus residuum summae pecuniae dicto Myaczinski arrestat et solvere non vult. Quapropter Vestram Reverendissimam Paternitatem summopere rogo, commendans eundem Myaczinski et ipsius negotium, dignetur eundem Krziwkowski ab huiusmodi inquietatione cohibere, tamquam illum, qui nullum ius legitimum ad praefatam hereditatem habet. Nam si aliquid interesse ad praefatam hereditatem se habere pretendebat, illo tempore, quos lis occasione praemissorum agebatur, hoc facere debuerat et non isto tempore.

Factura Vestra Reverendissima Paternitas Deo Omnipotenti gratam et suo officio dignam. Cui meipsum, quantum possum, diligentissime commendo et in perpetuam servitutem totum, quantus sum, addico. Quae diu et felicissime valeat meque gratia sua complecti non desinat.

Ex Ploczka, feria tertia post festum Sancti Viti proxima, anno Domini MDXXXIIII-o.

Eiusdem Vestrae Reverendissimae Paternitatis obsequentissimus servitor Felix Srzemski(!), palatinus et capitaneus Plocensis