» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1326

Georg von BAYSEN (BAŻYŃSKI) to Ioannes DANTISCUS
Mewe (Gniew), 1535-07-06
            received [1535]-07-10

Manuscript sources:
1fair copy in Latin, autograph, AAWO, AB, D. 67, f. 335, 338

Auxiliary sources:
1register in Polish, 20th-century, B. PAU-PAN, 8248 (TK 10), f. 71

Prints:
1AT 17 No. 395, p. 495-496 (in extenso; Polish register)

 

Text & apparatus & commentaryPlain textText & commentaryText & apparatus

 

AAWO, AB, D. 67, f. 35v

Reverendissimo Patri et Domino, domino Ioanni Dantisco Dei gratia episcopo Culmensi ac ecclesiae Pomezaniensis administratori, domino suo observandissimo

AAWO, AB, D. 67, f. 35r

Reverendissime Pater et Domine, domine observandissime.

Servitiorum meorum commendatione praemissa.

Ago gratias Reverendissimae Dominationi Vestrae de transmissis mihi libris cardinalis Hadriani et Alberti Crancz, utinam referre possem. Praebuit mihi Reverendissima Dominatio Vestra magnum campum legendi semperque legendo superinscribed⌈legendolegendo superinscribed⌉ memor ero beneficentiae Reverendissimae Dominationis Vestrae, quod me non neglexerit, simul et edita mihi carmina remiserit.

Item dominus castellanus Gdanensis rescripsit ad me ex Riga de data sabbato ante Ioannis Baptistae, volens eo die procedere ad magistrum versus Wenden. Scribit alienatos animos invenisse a maiestate regia et novus magister innovat omnia officia et qui secedunt, omnia secum asportant, eo modo plures se excusabant, cum necessaria ut regio nuntio suppeditare deberent. Et nuntius, quem praemisit, moratus fuit, nisi maiestas regia camerarium quendam Spigel illuc ad magistrum Livoniae misisset, nescire voluissent de adventu domini castellani. Qualiter gestum est, tempus docebit. Spero, quod iam sit in reditu.

Ex curia maiestatis regiae scribitur Fabianum Damerow a Woynow ex Hispaniis scripsisse caesaream maiestatem ire in Italiam versus Apuliam.

Profligatio Lubicensium, ut spes est, mitiores faciet et utinam paci consulere addicerent animum, Gdanensium bona fama est, plura coepisse et cum in socios animadvertunt, non poterint durare conatus eorum. Deus det nobis suam pacem. Alia pro nunc non occurrunt.

Commendo me Reverendissimae Dominationi Vestrae, quam Deus Optimus prospere in multos annos conservet.

Ex Meva, sexta Iulii anno virginei partus 1535.

Eiusdem Reverendissimae Dominationis Vestrae obsequentissimus Georgius a Basen etc. scripsit

Postscript:

Plebanus in Christburg mihi commendatus est, quod sit maturus, bonae conversationis, non dabit, spero, causam obloquendi. Nemo tamen est ex omni parte beatus, quod obiurgationibus non subiaceat. Et certe penuria est sacerdotum, non possunt haberi, plures inscii etc.