Unsernn fruntlichnn grues mit aller seligheit wunschung zuvorann. Edler wolgeborner her, gunstiger freundt. /

Das Ewer Herlichkeit noch unsermm hohem beger nicht hot sich mocht uff negst zukunfftigen suntag zu uns vorfuegen, / wie wol wir Ewer Herlichkeit fast gern bey uns hetten gesehen, / mussen wir Ewer Herlichkeit geschefften wegen noch gebenn, / hoffend es wirt sich noch mit Gots willen schicken, das wir einander im korczen hie sehen mugenn. Tragenn ouch kein zcweifel, Ewer Herlichkeit wirt sich noch laut eigener hant zcedel haltenn, / das wir ummb Ewer Herlichkeit, / die wir Gote dem almechtigen in sein gnad befhelen, / gernn und mit dankparheit wollen beschulden.

Datum aus unserm slosse Lobau {demm} den VI tag Iunii M D XXX[VI].