Reverendissime etc.

Heri mane rediit is famulus meus ad me cum litteris Dominationis Vestrae Reverendissimae, red paper damaged⌈[d]d paper damaged⌉didit mihi et regias, quas remitto. Harum exemplum, ut voluit Dominatio Vestra Reverendissima, misi per nepotem meum, qui tum in aliis negotiis a me Gdanum iturus erat, ad manus domini Ioannis a Werden una cum regiis litteris ad consulatum Gdanensem, ut illas cum eodem exemplo mitteret domino palatino Marienburgensi. Et quia Dominatio Vestra Reverendissima mentem suam non declaravit, an illae litterae regiae consulatui Gdanensi reddi deberent, reliqui id ipsum domini palatini arbitrio etc.

Adiunxi iis etiam eas, quas reverendissimus dominus Plocensis ad me dedit. Ex illis quaedam rem publicam nostram concernentia Dominatio Vestra Reverendissima accipiet etc. Ceterum quod pro sua in me benevolentia Dominatio Vestra Reverendissima iis futuris diebus me ad se vocare dignata est, venturus sum libenter, verum pro festo sancti Ioannis hinc abesse non possum, ob id potissimum, quod feria secunda post illud festum quibusdam nobilibus et feudalibus meis paper damaged⌈[s]s paper damaged⌉ terminum coram me iuridicum statui, porro ultima huius hinc me recta conferam ad villam Fridrichwalt et Christo Domino nostro duce Dominationem Vestram Reverendissimam prima Iulii in vigilia Visitationis Gloriosissimae Virginis incolumem et felicem magna animi cum alacritate videbo, et tum de omnibus latius. Interea Dominus Deus et deinceps quam diutissime Dominationem Vestram Reverendissimam sospitet et prosperet in omnibus.

Lubaviae, XXII Iunii MDXXXVI.