BCz, 244, p. 434

Reverendissimo in Christo Patri et Domino meo, episcopo Varmiensi etc. ad manus proprias

Reverendissime in Christo Pater et Domine, domine mi colendissime. Salutem et mei commendationem plurimam.

Ea omnia, quae frater meus ad me attulit, per eundem Dominationi Vestrae Reverendissimae remitto. Potuerat illa optimo iure et pro ea, quae inter nos est, necessitudine immo et litteras ad me obsignatas aperire, et legere. Ex quibus ad praesens, quomodo omnia habeant, intelliget ex fratreque meo, cui fidem haberi peto, reliqua accipiet.

Mitto praeterea pacta eo modo, ut praescripta sunt. Si quando illa innovari voluerit, ut in fine illorum expressum est, erit in arbitrio Dominationis Vestrae Reverendissimae, cui non gravate obsecuturus sum in omnibus, quae placent et quae per me fieri iusserit, meque in iis dispositioni et voluntati Dominationis Vestrae Reverendissimae ex animo commendo Deumque precor, ut eandem Dominationem Vestram Reverendissimam quam diutissime sospitem et felicem con stain⌈[con]con stain⌉servet.

Lubaviae, XIIII Augusti M D XXXVI.

Reverendissimae D(ominationis) Vestrae deditissimus filius Io(annes) episcopus Culmensis scripsit