BCz,244,p. 167

Reverendissime in Christo Pater et Domine, domine mi colendissime. Salutem et mei commendationem plurimam.

Applicui tandem hic sospes Deo gratia IX-a huius, ingressi mecum sunt Thoronensium et Gdanensium nuntii. Dominus castellanus Culmensis et palatinus Pomeraniae duobus sequentibus diebus appulerunt et ob id hodie primum summo mane ad faces nos serenissima maiestas regia clementer admisit et in frequentia omnium dominorum Regni audivit. Reliqua, quae dicenda erant, in aliud tempus sunt suspensa. Convenimus et serenissimum regem nostrum iuniorem, deinde et reginalem maiestatem ab utrisque benigniter excepti multa gratia promissa. Serenissima maiestas regia ex debilitate, quam habuit, optime convaluit, incedit sine adminiculo, quo prius utebatur. Serenissimus rex iunior per decursum anni non parum excrevit, prae se fertque et habitudinem, et animum optimi principis, neque patri dissimilem. Consultatur hic iam a non paucis diebus, sed adhuc nihil istiusmodi comitiis paper damaged⌈[s]s paper damaged⌉ dignum est absolutum. Nuntii terrarum Regni paulo ante dederunt articulos, quos petunt, antequam rex iunior praestet iusiurandum, reformari. In iis a summo mane usque post meridiem laboratur parumque admodum est processum. Unde nescitur hucusque, quo tempore iuramentum hoc fieri debeat existimoque nos longe citius, quam oportuit, advenisse, quae hic mora nulli gravius quam mihi detrimento futura est. Quam tamen ferre non detractarem, modo cum meo damno patriae prosim. Volunt nos in Regni consilium adigere, reluctamur strenue. Ominantur plurimi conventum istum ante Paschae festum finem non habiturum, ad cuius celebrationem ecclesiae meae sum astrictus dabiturque a me opera, ut me hinc extricem, quantum possum citius. Venturus est huc pro festo Natalis Domini illustrissimus dominus Otto Henricus comes palatinus Rheni ratione dotis maternae. Gravate impetratum est, quod huc vocatus sit ill(ustrissimus) dominus dux vicinus noster, cuius adventus nos hic remorabitur et ut reor, cum statio, ut vocant, illi hic danda sit, nos hinc cum eo forsan expediet.

Agit hic nuntius apostolicus ratione futuri concilii, quod si quando erit, experiemur rebus sic ubique perturbatis. Caesar fertur ex Genua pro nervo et gentibus conquirendis traiecisse in Hispaniam relicta forti obsidione ad Massiliam. Gallum dicunt conari eruptionem in Italiam. In Hun paper damaged⌈[n]n paper damaged⌉garia paulo ante Ianussius rex stratagemate Cassoviam cepit BCz,244,p. 168 civitatem, quae per tot annos in fide Romanorum regis Ferdinandi manserat, neglectis pactis et foederibus etc. Sic habet Dominatio Vestra Reverendissima summam hic rerum omnium. Si quid postea se offeret, per primam opportunitatem non patiar latere Dominationem Vestram Reverendissimam. Cuius paterno amori meme diligentissime commendo. Dominus Deus faxit, ut eandem brevi salvam et incolumem intueri et complecti possim.

Ex Cracovia, XIII Decembris written over Novembris⌈NovembrisDecembrisDecembris written over Novembris⌉ anno Domini 1536.