Reverendissimo in Christo Patri et Domino, domino Ioanni Dei gratia episcopo Culmensi, domino et patri gratiosissimo

Reverendissime in Christo Pater et Domine gratiosissime.

Praemissa servitiorum meorum sedulitate in favorem.

Reverendissima Paternitas Vestra sciat principes nostros salvos ex hac peregrinatione domum rediisse. Hoc etiam die reverendissimus Plocensis cancellarius Regni hinc egressus, cum quo magnificus campiductor Regni et Odrowonsz, et Posnaniensis, domini Lucae filius, spiritualium et cleri, ut apparet, defensor, egressi fuerunt huiusmodi causa. Magnificus etiam dominus castellanus Byeczensis vix a febrium recidivis ereptus, nondum vires pristinas nactus, die Veneris proximo statuit rursus regiam adire maiestatem.

Siculus doctor extremum suum clausit diem. Reverendus praepositus Opalinszky sancti Floriani et Posnaniensis die Iovis proximo subeticus factus, vix a sopore Epimenidis experrectus rediit, ut fieri potest, ad seipsum. Maiestas regia genugra hac nocte laborare ce... ...e modo domino Iosto. Sciet [ex] litteris suis hic inc[lusis] mihi inscriptis ubi s[it]. [Exspect]o omni hora eius ad nos adventum. A... ... cum ceteris doctoribus vel invitus ....

[Valeat Reverendissima ] Tua Paternitas felicissime et me diligat.

[Ex Cracovia]... [Sancti] Georgii 1537.

Eiusdem Reverendissimae Paternitatis [Vestrae] Ioannes Benedicti regius doctor obsequentissimus