» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #1666

Stanisław HOZJUSZ (HOSIUS) to Ioannes DANTISCUS
Cracow (Kraków), 1537-07-12
            received [1537]-07-20

Manuscript sources:
1fair copy in Latin, autograph, AAWO, AB, D. 19, No. 5

Auxiliary sources:
1register in Polish, 20th-century, B. PAU-PAN, 8248 (TK 10), f. 499

Prints:
1HE 1 No. 27, p. 47-48 (in extenso; Latin register)

 

Text & apparatus & commentary Plain text Text & commentary Text & apparatus

 

AAWO, AB, D. 19, No. 5_4

Reverendissimo in Christo Patri et Domino, Domino Ioanni Dei gratia episcopo Culmensi, domino colendissimo

AAWO, AB, D. 19, No. 5_1

Reverendissime in Christo Pater et Domine, domine colendissime.

Officiosissimam servitutis meae commendationem.

Cum reverendissimus dominus meus Cracoviensis episcopus renuntiatus esset, magnam equidem coepi voluptatem, sed ea duplicabitur, postea quam Vestram Reverendissimam Dominationem Varmiensem episcopum designatum esse cognovero. Quod si me contingat, eiusdem ecclesiae fieri canonicum, iam cumulatum et perfectum esse videbitur gaudium meum. Et quamquam iure meae nominationis illud posse videor obtinere, tamen hanc gratiam Reverendissimae Dominationi Vestrae debere malim. A qua maiorem in modum peto, ut nunc gratiae et benevolentiae in me suae clarum dare velit documentum mihique eo, quem possidet, canonicatu cedere ne gravetur. Quo possim solidum gaudere gaudium, non solum Reverendissimam Dominationem Vestram ad optatam virtutique suae et meritis debitam sedem pervenisse, verum et mihi occasionem datam esse in auctoritatem illius potestatemque me conferendi. Saepe memini dicere Reverendissimam Dominationem Vestram, si qua se ornandi et augendi mei occasio offerret, ea Reverendissimam Dominationem Vestram cupide et libenter usuram. Ecce nunc summa datur ei rei opportunitas. Eam ne elabi e manibus patiatur, magnopere quaeso. Eum me Reverendissima Dominatio AAWO, AB, D. 19, No. 5_2 Vestra ab ineunte aetate mea semper cognovit, qui nihil hidden by binding⌈[l]l hidden by binding⌉ prius habuerim, quam ut quacunque possem ratione gratiam illius et benevolentiam mihi demererer, quique ad nutum illius me convertere promptus fuerim et paratus. Sed si hac liberalitate Reverendissimae Dominationis Vestrae honestatus fuero, ingens ad meum in illam studium et observantiam cumulus accesserit. Quod enim antea ex sola voluntatis meae propensione faciebam, id iam ex officio quoque me hidden by binding⌈[e]e hidden by binding⌉ facere oportebit. Atque ita nihil rerum suarum omnium Reverendissima Dominatio Vestra aeque habitura est in potestate sua atque me, si me canonicorum suorum in album referre dignabitur.

Quod superest, Deum precor, d written over s⌈sdd written over s⌉ spero et opto, ut superinscribed⌈utut superinscribed⌉ brevi videam Reverendissimam Dominationem Vestram ad Varmiensis ecclesiae gubernacula sedentem. Cuius me favori et gratiae plurimum commendo.

Cracoviae, IV Idus Iulii 1537.

Postscript:

S(acra) maiestas regia providit de plebanatu Reverendissimae Dominationis Vestrae in Golambie domino Samueli Matzeiowski, qui praesentationem regiam in manus meas misit. Fecerit illi Reverendissima Dominatio Vestra rem gratissimam, si mandatum ad cedendum, cum primum se facultas obtulerit, in manus reverendissimi domini mei miserit. Procuratores autem constituere poterit ad cedendum dominum doctorem Borgk aut dominum Ioannem Barczik. Nam nisi cito miserit Reverendissima Dominatio Vestra, AAWO, AB, D. 19, No. 5_3 vix me Cracoviae futurum existimo. Cuius me gratiae etiam atque etiam commendo.

Eiusdem Reverendissimae Dominationis Vestrae servus deditissimus Stanislaus Hosius