Letter #219
Mercurino Arborio di GATTINARA to Ioannes DANTISCUSTordesillas, 1524-10-10
English register: Gattinara informs Dantiscus that despite the emperor’s illness, he has obtained his consent to a brief audience that is to take place the next morning. He advises Dantiscus to set off on horseback [from Valladolid] at 5 a.m. He invites him to his quarters for a rest after the journey. He promises to accompany Dantiscus to the audience and then invites him to lunch. He suggests that Dantiscus return that same afternoon to Valladolid, where he himself intends to go the next morning. There he’ll take care of the Polish envoy’s expedition.
Manuscript sources:
Prints:
| ||||||||
Text & apparatus & commentaryPlain textText & commentaryText & apparatus
UUB, H. 154, f. 5vMagnifico Domino Ioanni Dantisco, serenissimi Poloniae regis oratori mihi plurimum hon(orand)o
Al s(eñ)or embaxador de Polonia[1]
UUB, H. 154, f. 5rMagnifice Domine. Post debitas commendationes.
Postquam in hunc locum applicui, non fuit possibile alloqui caesarem pro quovis negotio usque in hunc diem in noctis crepusculo. Exposui suae maiestati adventum Dominationis Vestrae, quem adhuc ignorabat, narravi desiderium visendi suam maiestatem, praesentandi litteras serenissimi regis vestri, explicandique commissa et inde cum responsione gratam licentiam breviter redeundi. Respondit sua maiestas se gratum habere adventum Dominationis Vestrae, audientiam autem non posse ante triduum praestare, ni forsan Dominatio Vestra ita diligens fuerit, ut cras summo mane ante prandium suae maiestatis et in exitu missae suae ibi praesto affuerit, quandoquidem sumpto prandio propter fumositates, quae ad cerebrum ascendunt, aliquantisper quiescere et inde aliquem recreationis modum cogatur exquirere, sequenti vero die, qui est dies occupationis quartanae, nullis negotiis locus detur. Laudo igitur, si Dominatio Vestra brevem cupit audientiam reportare et in longiores dies non differre, parum hac nocte quiescat, et hora quinta equum ascendat et cum duobus vel tribus equis huc veniat ante horam decimam in hospitio meo satis arcto descensurus, ut inde simul ad caesarem vadamus et habita audientia simul prandere valeamus, vosque inde eodem die sumpto prandio recedere possitis. Ego enim sequenti die in prandio in opidum Vallis Oleti redibo et ibidem de expeditione vestra agetur. Et nisi fuisset exspectatio huius vestrae audientiae, ego cras mane fuissem ibidem in prandio. Acceleret igitur Dominatio Vestra adventum suum, ni ulteriorem dilationem audientiae suae dari velit forsan diuturniorem ob impedimenta, que dietim affert tristis haec aegritudo.
Et interim valeat Dominatio Vestra.
Ex Tordessilles, hoc die Dominico 10 Octobris in sero, 1524.
Ad mandata Magnificentiae Vestrae Mercurinus Gattinara
[1 ] added in the other hand