» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #2346

Stanisław HOZJUSZ (HOSIUS) to Ioannes DANTISCUS
Vilnius, 1540-09-13
            received Graudenz (Grudziądz), 1540-09-30

Manuscript sources:
1fair copy in Latin, autograph, LSB, BR 26, No. 2

Early printed source materials:
1LIDÉN p. 192 (Latin register)

Prints:
1PROWE 1853 p. 57 (reference)
2HE 1 No. 68, p. 92 (in extenso; Latin register)

 

Text & apparatus & commentaryPlain textText & commentaryText & apparatus

 

Reverendissimo in Christo Patri et Domino, domino Ioanni Dei gratia episcopo Warmiensi, domino observatissimo

Reverendissime in Christo Pater et Domine, domine observatisssime.

Officiosissimam servitutis meae commendationem.

Binas habui a Reverendissima Dominatione Vestra litteras utrisque satis mihi respondisse videor.

Ceterum de arca nondum erat quicquam constitutum neque sine magno negotio effeci, ut eis seria magis mandata scriberentur. Non solus fortasse doctor Ioannes sollicitabat. Nunc ego futurum spero, ut omnino eam tradant Gedanenses domino thesaurario. Per quorum secretarium responsum est illis de arca missum, fortassis minime placiturum. De parochiali, quam per Loca Reverendissima Dominatio Vestra impetrari cupiebat, egi cum reverendissimo domino, sed visum est illi exspectare, dum ex urbe aliquid afferretur prius, ubi quid actum sit, nihildum accepimus.

Hic serenissimi principes recte valent. Archiepiscopus Gnesnensis mortuus est. Fecerit Reverendissima Dominatio Vestra rem gratam reverendissimo domino meo Chelmensi et mutua coniunctione dignam, si litteris eum suis diligenter serenissimae maiestati regiae commendaverit, ut habere rationem eius dignetur. Quam habitam iri, dubium non est, sed amici tamen officio fungetur Reverendissima Dominatio Vestra. Qui has perfert, intricatum habet quoddam negotium. Contendit a me, ut se Reverendissimae Dominationi Vestrae commendarem, quod ei negare non potui. Quantum fides et religio Reverendissima Dominatio Vestra patietur, quaeso, ut e[i] deesse nolit. Deum precor, ut Reverendissimam Dominationem Vestram diu servet incolumem. Cuius me gratia[e] commendo.

Vilna, Idibus Septembris 1540.

Eiusdem Reverendissimae Dominationis Vestrae servitor deditissimus Stanislaus Hosius cantor et canonicus Varmiensis