BCz, 1597, p. 1268

Reverendissimo in Christo Patri ac Domino, domino Ioanni Dei gratia ecclesiae Warmiensis episcopo, domino ac pastori nostro gratioso

BCz, 1597, p. 1265

Reverendissime in Christo Pater, eximie domine antistes, domine gratiose.

Obsequia nostra indefessa sint Reverendissimae Paternitati Vestrae in quaelibet vota officiose exhibita.

Reverendissime ac gratiose Domine.

Meminimus, quae ad proximum in Braunsberg Reverendissima Paternitas Vestra de litteris ad illustrem Prussiae principem in molari negotio scribendis constituerat, sed domino Georgio ex Melsack redeunte et litteras de voluntate Reverendissimae Paternitatis Vestrae factas atque ad recognoscendum et emendandum Vestrae Reverendissimae Paternitati missas nobis insinuante hactenus quievimus exspectantes, si dictae litterae a Reverendissima Paternitate Vestra iuxta rationem et exigentiam proximarum litterarum a principe datarum aliter formatae et in certis articulis mutatae ad nos rediturae essent etc.

Potuissemus tamen et nos illis alterandis occupari, sed in hoc impediti sumus, quod nullum exemplar earundem apud nos exstaret, quandoquidem extractum Vestrae Reverendissimae Paternitati, et prima editio venerabili domino Achacio a Trenck, administratori Allenstenensi (sicut Reverendissima Paternitas Vestra faciendum consuluit) missa fuit. Quare, si Vestrae Reverendissimae Paternitati non fuerit commodum litteris illis immutandis occupari, rogamus, ne gravetur exemplar remittere litterarum mutandarum ad Vestrae Reverendissimae Paternitatis placitum, nobis sumemus negotium et alteratas cumprimis remissuri etc.

Mandatum regiae maiestatis contra fautores proscripti Alexandri etc. emanatum et a Reverendissima Paternitate Vestra ad nos missum reverentia et honore debitis accepimus atque etiam admonitionem Reverendissimae Paternitatis Vestrae simul intelleximus et cogitabimus, quomodo illud licita diligentia et congruo tempore in executionem ponamus et, quanto poterit citius, publicemus.

Ceterum iam fere annus est, quod nobilis Fredericus ab Ald written over e⌈edd written over e⌉ytenn(n), Vestrae Reverendissimae Paternitatis vassalus, BCz, 1597, p. 1266 graviter in publicis stratis vulneravit molitorem villae eiusdem. De quo excessu iure communi tenetur dominio ad partem nos hidden by binding⌈[os]os hidden by binding⌉tram spectanti respondere de laesione et vulnere iuxta formam et modum in his terris observari consuetum. Et cum sit monitus aliquot vicibus, ut componat, tamen venire contemnit et tam cum parte laesa (ut accipimus), quam etiam nobiscum, concordare negligit. Ut autem patria iura serventur et talis casus aut excessus in simili in futurum praecaveatur, Vestrae Reverendissimae Paternitati supplicamus, dignetur illi demandare, ut nos de huiusmodi stratarum publicarum violentia iuxta iuratorum congnitionem desuper factam contentet et publica iura non ita contemnere laboret.

De quibus Vestrae Reverendissimae Paternitati gratiosum auxilium imploramus et exspectamus.

Cuius Reverendissimae Paternitati nos ex sententia atque eandem aeterno Deo feliciter commendamus.

Warmiae, XVI Iunii anno M V-c XLI.

Eiusdem Reverendissimae Paternitati Vestrae officiosissimi praelati, canonici atque capitulum ecclesiae Warmiensis