Reverendo in Christo Patri, domino Ioanni episcopo Varmiensi, sincere nobis dilecto

Sigismundus Dei gratia rex Poloniae, magnus dux Lituaniae, Russiae, Prussiae, Masoviae etc. dominus et heres

Reverende in Christo Pater, sincere nobis dilecte.

Petitionibus Strenuitatis Vestrae pro capitaneo suo Braunsbergensi habebitur a nobis ratio. Veniet hisce diebus ad nos generosus Stanislaus Kostka terrarum nostrarum Prussiae thesaurarius et capitaneus Golubensis, cum eo de pensione annua illi danda constituemus aliquid. Sed et quae petivit nomine Strenuitatis Vestrae reverendus in Christo pater, dominus Samuel episcopus Plocensis et regni nostri procancellarius, non gravatim concessimus, quemadmodum ex illius litteris uberius cognoscet.

Eandem feliciter valere optamus.

Ex Wielawiessz, XXV Octobris, anno Domini MDXLIII-o, regni nostri XXXVII-o.

Ad mandatum sacrae regiae maiestatis