Letter #2711
Johann TYMMERMANN to Ioannes DANTISCUSFrauenburg (Frombork), 1544-03-31
| received Heilsberg (Lidzbark Warmiński), 1544-04-01 Manuscript sources:
| ||||
Text & apparatus & commentaryPlain textText & commentaryText & apparatus
BCz, 1599, p. 416Reverendissimo in Christo Patri et Domino, domino Ioanni Dei gratia episcopo Warmiensi, domino meo colendissimo et gratioso
BCz, 1599, p. 413obsequiorum meorum exhibitionem.
Reverendissime Domine, domine colendissime et gratiose.
Hodie, quod ei felix faustumque precor, canonicatus et praebendae per obitum venerabilis domini Georgii Donner vacantium venerabili domino Gasparo, Reverendissimae Paternitatis Vestrae nepoti, posessio data est.
Praeterea, Reverendissime Domine, quemadmodum venerabilis dominus Achacius administrator Allensteinensis cum Reverendissima Paternitate Vestra superinscribed⌈VestraVestra superinscribed⌉ contulit, ut nepoti meo Mathiae Tymmermann in sacris acolitatus ordinibus existenti de canonicatu et praebenda mense ordinario proxime praeterito Februario per obitum venerabilis domini Ioannis Ropuldi vacantibus ordinarie provideretur et conferreretur, gratiose Paternitatem Vestram Reverendissimam annuisse, quam maximas et immortales Reverendissimae Paternitati Vestrae ago gratias, promittens praesentibus, casu quo nepos Reverendissimae Paternitatis Vestrae venerabili domino Olavo ratione reg<r>essus pensionem aliquam solvere, seu etiam regressum expedire cogeretur, nepotem meum ratione praebendae sic ordinaria provisione retenta haec omnia subiturum et pro nepote Reverendissimae Paternitatis Vestrae soluturum.
Rogo, Reverendissima Paternitas Vestra dignetur cum praesentium latore de hac ordinaria vacatione venerabili capitulo scribere et committere, ut ad electionem procedatur votumque suum gratiose in neg nepotem meum Reverendissima Paternitas Vestra conferre dignetur, quod erga Reverendissimam Paternitatem Vestram cum nepote et parente ipsius promereri non praetermittemus.
Commendo me gratiae et favori Reverendissimae Paternitatis Vestrae. Quam Dominus Deus quam diutissime conservet, precor. adscribed⌈Commendo me gratiae et favori Reverendissimae Paternitatis Vestrae. Quam Dominus Deus quam diutissime conservet, precor.Commendo me gratiae et favori Reverendissimae Paternitatis Vestrae. Quam Dominus Deus quam diutissime conservet, precor. adscribed⌉
Ex Warmia, ultima Martii 1544.
Eiusdem Reverendissimae Paternitati Vestrae obsequentissimus Ioannes Tymerman