Nos Ioannes, Dei gratia episcopus Varmiensis, et Achatius Czem, palatinus Marienburgensis et Stumensis capitaneus, nostro et aliorum dominorum consiliariorum harum terrarum nomine, magnifico Ioanni a Lusianis, palatino Culmensi et capitaneo Redensi, salutem et omne bonum.

Commissionem serenissimae maiestatis regiae, domini nostri clementissimi, noverit Magnificentia Vestra cum reverentia debita nos recepisse eiusmodi de verbo ad verbum tenoris, ut sequitur:

Sigismundus etc. ...

Post cuius commissionis praesentationem fuimus pro parte providi senatus Graudnicensis requisiti, quatenus in causa, de qua in praeinserta commissione fit mentio, iuxta illius fo[r]mam procedere et litteras citatorias opportunas decernere non gravarem[ur].

Nos igitur volentes mandatum et commissionem regiam, ut tenemur, ad exsecutionem debitam perducere, auctoritate eiusdem maiestatis regiae nobis concessa, citamus Magnificentiam Vestram peremptorie per praesentes illamque monemus, quatenus coram nobis aliisque dominis harum terrarum co[n]siliariis in conventu proxime futuro, ubicumque et quocumque tempore ille celebrabitur, per se vel procuratorem suum plenum mandatum habentem compareat ad ea, quae in commissione regia descripta habentur, responsura et nostram super iis definitivam sententiam et decretum auditura. Certificantes Magnificentiam, quod sive comparuerit, sive non, nos nihilominus cum nostris collegis ad dictorum agentium instantiam iuxta eiusdem commissionis formam ac alia, prout iuris et aequitatis fuerit, Deo favente, processuros.

Datae.