» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #342

Ioannes DANTISCUS to [Lodovico ALIFIO]
Valladolid, 1527-05-06


Manuscript sources:
1office copy in Latin, in secretary's hand, BCz, 242, p. 213
2copy in Latin, 18th-century, BCz, 1366, p. 29 (c.p.)
3copy in Latin, 18th-century, B. Ossol., 151/II, f. 45r
4copy in Latin, 18th-century, BCz, 40 (TN), No. 57, p. 235-238

Auxiliary sources:
1register in Polish, 20th-century, B. PAU-PAN, 8245 (TK 7), f. 439

Prints:
1AT 9 (2nd ed.) No. 153, p. 164 (in extenso)

 

Text & apparatus & commentaryPlain textText & commentaryText & apparatus

 

BCz, 242, p. 213

Magnifice Domine et Maior honorandissime. Commendationem plurimam.

Accepi a Magnificentia Vestra litteras, quibus hactenus rescribere, ut ex meis ad reginalem maiestatem intelleget, non potui, doleoque plurimum, quod sic inofficiosus esse coactus fuerim. Ad praesens etiam non possum esse prolixior, quandoquidem tabellarius instat; aliis amicis scripsi diffusius, sed antequam istius postae notitiam habuissem; nunc me tempus deficit. Dabit igitur Magnificentia Vestra pro mea erga illam summa observantia veniam.

Quae hic in negotiis reginalis maiestatis aguntur et alia de rebus Magnificentiae Vestrae ex meis ad reginalem maiestatem accipiet. Scribit etiam Magnificentiae Vestrae dominus Sigismundus Loffredus. Velim in mea esset facultate; iam dudum compos voti esset, quod adhuc restat. Dabitur omnis opera, ut hanc remissionem seu indultum habeamus.

Rogo Magnificentiam Vestram per immortalem Deum, hunc Laconismum in bonam partem accipiat; vera amicitia et sincerus affectus non in multis verbis aut longa scriptione consistit, sed opere comprobatur, quod in me semper, quamdiu sum in vivis, experietur.

Commendo me maximopere Magnificentiae Vestrae ut pamico ac patrono meo observandissimo et rogo, apud reginalem maiestatem reditui meo faveat, me sibi semper devi<n>ctissimum atque auctoratum habitura.

Dat(ae) or Dat(um)⌈Dat(ae)Dat(ae) or Dat(um)⌉ ex Valle Oleti, 6 Maii Anno Domini 1527

Magnificentiae Vestrae deditissimus Ioannes Dantiscus