» CORPUS of Ioannes Dantiscus' Texts & Correspondence
Copyright © Laboratory for Source Editing and Digital Humanities AL UW

All Rights Reserved. No part of this publication may be reproduced or transmitted in any form or by any means, electronic or mechanical, including photocopy, recording or any other information storage and retrieval system, without prior permission in writing from the publisher.

Letter #3594

Lodovico ALIFIO to Ioannes DANTISCUS
Vilnius, 1535-05-06
            received [1535]-05-23

Manuscript sources:
1fair copy in Latin, autograph, BCz, 1595, p. 741-742

Auxiliary sources:
1register in Polish, 20th-century, B. PAU-PAN, 8248 (TK 10), f. 52

Prints:
1AT 17 No. 287, p. 385-386 (in extenso; Polish register)

 

Text & apparatus & commentaryPlain textText & commentaryText & apparatus

 

Reverendissimo in Christo Patri et Domino, domino Iohanni Dantischo, episcopo [Culme]nsi etc., domino ... honorandissimo

Reverendissime in Christo Pater et Domine, mi Domine et Frater osservandissime.

Solita servitiorum meorum commendatione praemissa.

Silentio veteres dirimi amicitias nemo est, qui ambigat, quamobrem, cum nullas neque dederim, neque acceperim litteras, vereo[r], ne Dominatio Vestra Reverendissima suspicetur me nostram mutuam benevolentiam oblivioni tradidisse et a scribendi officio feriari, quod maxime abominor. Accepi Dominationis Vestrae Reverendissimae litteras per dominum de Verden et illis responsum paraveram, verum tamen ille dominus numquam ad me venire dignatus est et tunc temporis male habebam me domi continens et ab aulis regia et reginali abstinere cogebar, modo hanc nactus nuntii opportunitatem nolui Dominationis Vestrae Reverendissimae sanitatem invisere et illi in mentem deducere me semper fore eidem Dominationi Vestrae Reverendissimae addictissimum, ubicumque gentium ero.

Nova hic sunt. Caesarem Romanorum brevi Neapolim venturum cum potentissima classe, quam postea expediet contra Barbarossam, qui regnum Carthaginis, quae vulgo Tunnes dicitur, defendit. A multis annis huiusmodi classis parata non est, quae centum et quinquaginta velorum numerum explebit. Deus Optimus Maximusque sacrae maiestati caesareae optatam tribuat victoriam. Hic fiunt apparatus bellici, sed non quales contra Moschos, sed contra muschas. Faxit Deus, ut nostrates optabili et felici potiantur victoria.

Commendo me et servitia mea eidem Dominationi Vestrae Reverendissimae, quae felicissime et diutissime valeat.