BCz 1595, p. 832

Reverendissimo in Christo Patri et Domino, domino Ioanni Dantisco episcopo Culmensi et administratori ecclesiae Pomezaniensis etc., domino observandissimo.

BCz 1595, p. 829

Reverendissime in Christo Pater et Domine, domine observandissime.

Servitiorum meorum commendatione praemissa.

Dudum anhelabam scire, quomodo res patriae nostrae Cracoviae agerentur. Non est dies, quin de iis sollicite cogito. Tandem praesentati sunt articuli per nobilitatem Prussianam coram maiestate regia oblati, quos animo turbato legi reperique multa, quae secus ac signata sunt, se habent, verum, quod nos se facturos obtulimus, id sibi usurpant, quasi ipsi id superinscribed⌈idid superinscribed⌉ a nobis exegissent.

Dicunt etiam, quod propter absentiam districtus Dersoviensis, qui non satis tempestive vocati, alii in contributionem consentire nolebant. Cum tamen profitentur in tribus conventionibus sollicitatum esse, si semel districtus Dersoviensis fortasse serius vocatus esset, tamen in aliis conventibus satis tempestive intimatum est. Et alia plura possent elici pro responso dando, sed est quasi quaedam altercatio, nec contenti, quod contra consiliarios se opponunt, immo et regiam maiestatem obstringere nituntur, ut pecuniam sibi contributam non habeat expendendi facultatem, nisi eorum assensu, cum tamen minimum est, quod nobilitas contribuit, nec comparatur cum contributione civitatum. Et revera, si recte perpenditur, non potuit talis pecunia utilius pro republica nostra expendi, sed maiestas regia haec et similia illis obtrudet et merito dicere posset: Amice, non facio tibi iniuriam. An non licet facere, quae volo? etc.

Quod vero tam acriter invecti sunt in communem amicum nostrum, dominum Ioannem a Werden etc., videntur certe non servasse decorum, q(uo)d in omni re et actione servari deberet. Et si eius status rationem habere noluissent, quem immerito obiurgare statuer(un)t, tamen ob reverentiam maiestatis regiae, cuius dignitatem, auctoritatem, maturitatem et senium animadverti in tam laudabili consessu primorum regni se a tam dira invectione et irrogatione contumeliae continere debuissent, BCz 1595, p. 830 nec videtur causam subesse tam vehementi expostulationi, praesertim cum benemereri visus sit in nobilitatem plurimorum testimonio. Consolandus esset praefatus dominus Ioannes a Werden etc. eam contumeliam susque deque ferre, quae plus dedecoris calumniantibus inussit, quam illi, quem infamia notare conati sunt. Quid est, quod hic pro ampliando honore insteterit? Cum quotusquisque eorum, qui eum insimulant, si fortuna dederit, id non optare(n)t seu acceptare(n)t or acceptaret⌈acceptare(n)tacceptare(n)t or acceptaret⌉.

Sed quid ad eos de coadiutoriis, quae miram et papae et serenissimi regis dispositionem sibi vendicat, cum etiam non latet serenissimam regiam ac reginalem maiestates suapte, etiam inscia Paternitate Vestra, de episcopatu Warmiensi providere statuissent on the margin⌈cum etiam non latet serenissimam regiam ac reginalem maiestates suapte, etiam inscia Paternitate Vestra, de episcopatu Warmiensi providere statuissentcum etiam non latet serenissimam regiam ac reginalem maiestates suapte, etiam inscia Paternitate Vestra, de episcopatu Warmiensi providere statuissent on the margin⌉. Si contendunt nobilibus conferri, Paternitas Vestra non cedet illis de actione nobilitatis, qui non solum prioribus praeluxit, sed et a caesarea maiestate novis insignis et aliis praerogativis decorare merita est. Nec dominus Tidemannus Gise abest a nobilitate, cuius virtus meruit, ut maiestas regia eum nobilitate decoravit et insigniis ornavit. Non habent ergo ansam expostulandi. Alios docent se continere intra suam ipsius pelliculam, cum ipsi multo metas transiliunt.

Orandus est Deus, ut seditiones, quibus iam scatet mundus, ab hoc inclito regno et patria nostra avertere et sanam nobis omnibus nostratibusque mentem largire dignetur. Plura scribere vetat tempus, nuntio properante, alias ad singula respondissem, sed vereor, ne dicar sus minervam docere. Velit denique Reverendissimam Paternitatem Vestram oratum or oratam⌈oratumoratum or oratam⌉ habere.

Dignetur me causasque meas sibi commendatas habere, quas prioribus litteris signavi, et una cum domino Czema etc. castellano Gdanensi aliisque ad hoc rogandis non gravare maiestatem regiam interpellare, quo voti compotes fiamus.

Non possum celare Reverendissimam Dominationem Vestram me gratia Dei melius habere, quamvis adhuc non superinscribed⌈nonnon superinscribed⌉ usquequaque sanus, adhuc defectus in pedibus non licet adusque exire domum. Continere ad tempus oportet.

Cum his me Reverendissimae Dominationi Vestrae recommendo. Quam felicissime valere ex animo cupio.

Ex Mewa, VII Februarii anno sesquimillesimo tricesimo septimo.

Eiusdem Reverendissimae D(ominationi) or D(ominationis)⌈D(ominationi)D(ominationi) or D(ominationis)⌉ Vestrae obsequentissimus Georgius a Baisen etc. palatinus Marienburgensis et Mevensis capitaneus scripsit.