Letter #3724
Bartholomäus WELSER to Ioannes DANTISCUSAugsburg, 1533-02-26
| received 1533 [February 26 - December] Manuscript sources:
Auxiliary sources:
| ||||||
Text & apparatus & commentaryPlain textText & commentaryText & apparatus
BCz 1595, p. 512Dem hochwirdigen fursten unnd hern hern Johansen bischove zu Culmen(n) etc. meinem gnädigen herrn
BCz 1595, p. 509Hochwirdigerfurst, gnadig(er) her. E(wer) F(urstlichen) G(naden) sein mein underthan(n)ig willig diennst alczeit zuvor. Gnadig(er) her.
E(wer) F(urstlichen) G(naden) schreib(en) datumb Lobaw den 29t(en) tag Decembris ist mir dise tag zukhomen, darin E(wer) F(urstliche) G(nade) begern vernomen, / und darauf Anthonien Fugg(er) anngeredt, / d(er) erbeut sich solch in E(wer) F(urstlichen) G(naden) schreib(en) angetzaigt gelt, / namblich alhie 10 fl(orentiner) rh(einisch) Iheronimus Saylern zuhörig, unnd dan die 62 duc(aten) Albrechten Cuon in Hispanien von E(wer) F(urstlichen) G(naden) wegen zubezalen verschaffen wolle. / Dagegen wirt ime, dem Fugg(er), hie umb die 10 fl(orentiner) gegem emphang d(er)selben ain offen brieflin an E(wer) F(urstliche) G(nade), dergleichen von Albrechten Cuon in Hispanien meins versehens auchgegeben. / Das hab E(wer) F(urstlichen) G(naden) ich auf derselben schr(eiben) nit woln verhalt(en), dann d(er) underthanigklichzugedienen bin ich alczeit willig. /
Datumb Augspurg, den 26t(en) tag Februarii anno etc. im XXXIII-n.
E(wer) F(urstlichen) G(naden)
unnderthänig(er)
Barthlome Wellser d(er) olter burg(er) zu Augsp(ur)g