Reverendissimo domino Ioanni Dantisco episcopo Culmensi, oratori etc., domino plus quam colendissimo

Reverendissime Praesul ac domine multum honorandissime.

Ea, quae Reverendissima Dominatio iusserat, cum principe meo domino Ludovico egi, qui magnas Reverendissimae Vestrae Dominationi agit et habet gratias nihilque in praesens cupit, quam se serenissimo regi Poloniae quam maxime commendari.

Insuper Ludovicus de Mortangen in aula principum vel Guilhelmi vel Ludovici dominorum meorum clementissimorum habebit cum duobus vel tribus equis servitium et eam condicionem quam ceteri nobiles habent. Quae singula Vestram Reverendissimam Dominationem nolui latere. Cui me tamquam mancipium dedo.

Reverendissimae Dominationis Vestrae deditissimus servitor Leonardus a Tyskh scripsit