Unsernn etc. Edler etc.

Ewer Herlichkeit schreibenn hab wir bey dissem botnn gestriges tags entfangen unnd wunschnn Ewer Herlichkeit mit al den iren ein glukszelige heymfarth etc.

Was den czog gen Kraka belangt, sey wir noch in der meynung, wie zcwischnn uns vorlossen. / Wollen disse tage unser diner einenn hin schicken / und uns bey koniglicher majestet und andrenn erkunden etc., wie Ewer Herlichkeit wol weis. / Ouch schicke wir dissnn tag unsernn bruder Jorgen gen Danczk, / bey dem wirt Ewer Herlichkeit unser vornemenn weiter vor sthenn etc. Hiemit Ewer Herlichkeit mit derselbnn togentszamenn hausfrauen und irer mutter und dem gancznn geslecht und hausvorwantnn Gote dem almechtigen befholen, die nebnn Ewer Herlichkeit unser liebe mutter mit al den unsernn freuntlich thun grussen.

Datum aus unsernn slosse Lobau, den XVI Octobris MD XXXVI.