Macz Platen

Unsernn etc.

Aus unsermm negsten schreiben habt ir unser meynung / in demm, das wir euch geantwurt, / vornomenn, / und ist uns dazumhal entfallen, / das wir euch nicht angeczeigt von den weis bernstein stucken, die ir uns zugeschickt, / welche uns angenemm gewesenn, / so ir etliche von den klaren uberkuemet, / do sichtige wormichen inne werenn, / und nemlich kleine fröschlen, / wie wir sie wol zuvor bey den bernstein dreier gesehenn, / wollet vors kouffen. / Sol euch zu Dancke erstatet werden. / Wollet ouch nicht nochlossen, / wasserley zceitungen die ouch sein, / uns zu schreiben, / dar innen uns sonderlicherr gefallenn geschicht. / Gotlichen gnaden befolen. /

Datum aus unserm schlosse Heilsberg, XXX Martii MD XLV.