Dem Colmschnn woywoden

Unsernn etc.

Dissen tag ist uns Ewer Herlichkeit briff geworden. / Hetten uns vorhofft, das die uns uff unser den XVI und XVIII Aprilis zcwey schreibenn ausgangen geantwurt sold habenn. / Es hot sich aber Ewer Herlichkeit uff solche unserer II brive, / wie wir bericht, / schimfflich lossen horenn, / welchs uns nicht fast angenemm, / ouch Ewer Herlichkeit nicht wol hoth wollnn, / ir selbst zu ehrenn, / geczimenn. Nichts wynigers, was wir von rechts wegenn unsermm underthan, ewremm son widrig, seinemm ankleger schuldig sein zu geleistenn, / sol uns solche unbestendigheit und unfreuntlich gemuet gen uns nicht wendig machenn, / welchs wir Ewer Herlichkeit, / die wir gotlichenn gnaden befelenn, von alter gunst wegen nicht habnn mugen vorhalten.

Datum aus unserm schlosse Heilsberg, den XVIII Iunii MD XLV.