Ewer schreibnn mit den II kesen und zceitungen / hab wir gernn entfangen und thun do vor euch und ewer gelibtenn hausfrawenn gancz freuntlich danckenn mit erbittenn, / solche vorehrung in allen weg zu beschuldenn. / Schicken ouch hie widerummb zceitungen, die uns gestrigs tags von Danczk zukomenn. Got der almechtig gebe in dissen ferlichen geczeitnn sein gnad und fueg al ding zum bestnn, / dem wir euch mit ewernn gelibten gemhael, / die wir von unsernn wegen bitten zu grussenn, / und al denn ewren thun befelenn.

Datum aus unserm sloss Heilsberg, XXIII Iulii MD XXXIX.