Unsern freuntlichen grus und alles guten zuvoran. /

Ersame, namhafftige herrn, gunstige freunde. /

Liber getrewer.

Ersam N. burg[erme]ister unser stad [Wa]rtenberg, unser underthan , / hat uns klagweis zuvornemen geben, / wy ym Ludiken Fus, / der zuvorn Ewer Erbarkeit mitburger gewest, / und ytzundt zum Elbing wonhafftig, / durch seynnenn dyner mit nhamen Hans Hanneman etlich flax hat abgekaufft, den er im hat gut ...gt und daruber ... vorschreibung gelossenn, dovor er ihm noch ... in dy sechszhundert marck hinderstellig schuldig blyben, wie sein guter schein und beweys mitbrengt.

Weil wir aber bericht ... gedochter Hans Hannemann un... ... eigen und pawer yst ...rtig aus unserm dorff ...olffs dorff genant, hab wir im etlichen flax in unser stadt Wormdit behemet, byszolange er von uns seiner pflicht halbenn scheide und den unsernn dreyer ouch schuldig, / nemlich gedochtem unsernn burgermeister von Wartenberg vor uns gerecht werde. / Dis hab wir Ewer Erbarkeit uff der schreibnn an gedochter unser stat roth Wartenberg negst gegebenn zum antwurt guttlicher weis nicht wolt vorhaltenn. / Gote befolenn.

Datum.