APG, 300, 53, 249, p. 20

Denn ersamen, namhafften hern burgermeister und rathmannen der ko(nigliche)n stadt Danczke, / unsernn gunstigen freunden

APG, 300, 53, 249, p. 17

Unsernn freuntlichenn grues mith wylliger erbittung, was wir E(wr) Er(barkei)t liebs unnd guts zcwthun vormugenn, zcuvoran. /

Ersame, namhafftige hernn, / gunstige freunde.

Wir habenn den XX tagk diss mondts unsern eygene(n) bothenn, / wie wir negst / E(wr) Er(barkei)t geschriebenn, / mith briffe(n) an ko(niglich)e may(este)t, unsernn allerg(nedigs)ten hernn, geschickt / unnd der sachenn zcwgut, / wie E(wr) Er(barkei)t negst schrifftlich begerttenn, / auch unserm gemeynnen vaterlande zcum besten, / mith mugelichem fleysse geschriebenn, / wie dan aus unser copey, / die wir dem erbarnn, namhafftigenn hernn borgermeyster Hans vonn Werdenn / zcwgestelt, / E(wr) Er(barkei)t sein bericht wurdenn. / Was uns doruff vor ein antwurt vonn hofe, / unnd nemlich vonn dem hochwirdigistenn hernn bischove vonn Kraka, / dem wir vil weytleufftiger unnd hefftiger disses Holstenn frevelich vornemenn schrifftlich habenn angeczeigt, / wirt zcwko(m)men, / wolle wir E(wr) Er(barkei)t nicht vorhaldenn, / die wir Gotte dem allemechtigenn inn langkweriger / ann sele und leibe / gesuntheit unnd gelugkseligem zcunhemen / thun befhelenn. /

Dat(um) uff unserm slosse Lobaw, den lecztenn tagk Februarii, anno D(omi)ni 1533. /

Ioannes, von Gots genaden e(lectus) bischoff zcw Culmen(n) / und administrator des bischtumbs vonn Pomezann etc.