Letter #4325
Ioannes DANTISCUS to Gdańsk Town CouncilLöbau (Lubawa), 1533-07-04
| received Gdańsk (Danzig) Manuscript sources:
Auxiliary sources:
| ||||||
Text & apparatus & commentaryPlain textText & commentaryText & apparatus
APG 300, 53, 249, p. 44Denn ersamen, namhafftigen hernn burgermeister unnd rathma paper damaged⌈[rathma]rathma paper damaged⌉nnen[1] der ko(nigliche)n stadt Dantzig paper damaged⌈[Dantzig]Dantzig paper damaged⌉[2], unsern gunstig(en) frund(en) /
APG 300, 53, 249, p. 39Unsernn fruntlichenn grues mit erbittung, was wir E(wr) Er(barkei)t liebs unnd nuczlichs wolgefallens umber werdenn wissenn zcwthun, / zcuvoran. / Ersame, namhafftige hernn, gunstige frunde unnd landsleutte. /
Wir habenn nicht mocht nochlossenn mit dissem botten, / wie woll behafft inn schwerer feurstroff, / die Gott der allemechtige umb unser sundt willenn uber uns hot gesendt, / E(wr) Er(barkei)t vor vil ehr und guts, uns negst inn unserm vatterland bewisenn, / mit allem fleiß zcwdanckenn. / Unnd dancken Euch dermossen, / das wir hoffenn, uns nu(m)mer undanckpar sollenn spurenn, / wie mit Gots hulff die czeit mit der tath wirt mith bringen, / bittend solche kleine dancksagung vor grosse woltath, aus guttem grundt unsers herczenn geflossenn, fruntlich wollenn uffnhemenn / und unser, / wor inne wir E(wr) Er(barkei)t vil wilfarung, / fruntschafft, nucz und ehr wustenn oder mocht(en) zwerczegenn, / nicht zcwsparenn. / Vorsthenn uns der gleichenn zcw E(wr) Er(barkei)t uns mit orthlicher oder schrifftlicher furderung, / so sich was zcw 
APG 300, 53, 249, p. 40 besserem unnd hocherem stande zcwtruge, / dar inne wir E(wr) Er(barkei)t nuczlicher unnd fromlicher möchtenn sein, / nicht werdenn lossenn, / die wir Gotte dem allemechtigenn inn langweriger gesundtheit unnd gelugseligem zcwnhemenn thun befhelenn. /
Dat(um) uff unserm slosse Lobaw, denn 4. Julÿ 1533.
Jo(annes), b(ischoff) zu Culmen m(an)u p(ro)pria adscribed, in the hand of Dantiscus⌈Jo(annes), b(ischoff) zu Culmen m(an)u p(ro)priaJo(annes), b(ischoff) zu Culmen m(an)u p(ro)pria adscribed, in the hand of Dantiscus⌉
Postscript:
APG 300, 53, 249, p. 41Wir habenn negst bey E(wr) Er(barkei)t gelossenn die copien der legationn f(urstliche)r ir(lauch)t unnd ko(nigliche)r m(aieste)t antwurt, / welche denn hern uff negst vorgangenn tag genn Marienburg wardt zcwgeschickt, bittendt, wollet die selbigen denn andern hernn unnd stetten / und nemlich unserm libenn geistlichenn vatter, dem hern bischoff zcw Ermelandt, / mit den ersten lossen zcwkomen etc.